Blogger Indonesia berbahasa jawa | Esuk-esuk atiku seneng pol. Suwe gak sembayang akhire kelakon lungo nang gerejo. Isine wong tuwo-tuwo. Rambute wis putih. Untune gak onok sing utuh. Aku madep manteb ndelok Gusti Yesus karo Bunda Maria. Aku nyuwun supoyo dino Senin iki atiku bungah. Wis seminggu rasane susah. Meh mati gak duwe duwit tuku obat tidur...

Meh kendat regane tali rafia kok mundak terus. Meh nabrakno awak nang sepur kok wedi kepleset taeke petugas PJKA. Akhire ketimbang aneh-aneh ngerepoti wong liyo mending aku over doa. Gratis..murah meriah....

Aku ndelok mripate Yesus...

Kok cek ademe. Rambute gondrong ngombak-ombak. Kulite langsat koyo kerep luluran. Telapake bolong amargo dolanan paku. Klambine abang murup koyo geni gas tabung elpiji. Tak sawang-sawang. Tak delok-delok. Atiku sing remuk ki koyo-koyone wis tau diobati karo wong gondrong sing nang ngarepku iki. Mbok menowo aku iso njaluk meneh, iso ra yo aku ditambani. Mosok urip koyo dolanan karambol. Mlayu mrono mrene, disikat, dibanting koyo ra ono regane. Kesalahan-kesalahan dikoleksi digunakake nggo mateni aku. Mungkin aku sing sok sensi. Tp ncen atiku gek sumpek.

Aku meneng madep mantep ndelok Gusti Yesus...

Lungguhku tak pernahke. Ojo nganti aku ketok ora sopan amargo petakilan. Tak sawang-sawang meneh mripate. Tak delok getihe. Aku rung ono apa-apane tinimbang Yesus. Awakku sik wutuh. Sing misuhi aku ora patio akeh. Kok aku wis kepengen mati ae.

Saiki wis wayahe aku ngomong opo karepku...

Jebule aku wis ra iso opo-opo meneh. Aku wis tau ndongo tp ra kabul. Aku gelo tau melu yesus. Akhire aku mung meneng wae. Bingung. Stress. Ra iso obah blass cangkemku. Aku mirengake suoro-suoro. Jarene katentreman jalaran ati sing tenang. Atiku tak rasak-rasake. Aku njaluk Gusti ngendiko nanging ra sah dowo-dowo. Aku bosen.

Sepuluh menit aku lungguh...

Atiku nyuoro dewe. Munine koyo ngene," Nak, nek atimu loro. Aku melu loro. Nek koe susah aku yo susah. Nek Atimu bungah aku yo bungah. Ra tau aku turu nek koe turu. Ra tau aku ninggalke koe nek atimu remuk. Percoyo marang aku. Koe mesti slamet."

"Aku kudu piye Gusti," aku takon karo awakku dewe.

"Wis muliho. Kabeh wis tak jupuk. Saiki wayahe koe dadi satrio sing kendel. Metuo soko gerejo," Gusti ngendiko.

"Pripun Gusti.." aku tansah bimbang.

"Neng sabrange gerejo ono warung. Tekanono. Tukuo barang sing neng arah jam 10. Ojo ditolak. Kuwi soko suargo," Gusti maringi pirso.

Aku banjur metu soko Gerejo, mlaku neng ratan gede...

Marani toko sing dikandakake Gusti. Aku PD mlaku nyedak. Mirpatku merem. AKu noleh kanan. Wedi arep ndelok barang soko suargo. Tanganku tak angkat. Drijiku nunjuk opo ae sing kiro-kiro arah jam sepuluh.

"Bu Tumbas niku," aku ngomong karo bakule..

"Piro mas?" bakule ganti takon

Amargo soko suargo aku kepengen njupuk sak akeh-akehe...

Ojo nganti kesempatan berlalu."Tumbas limo bu," aku ngomong karo sok PD. Njur ibuke tak wenehi duwit.

Pas bali soko warung aku rung ngerti isine. Dibungkus plastik ireng karo bakule. Tekan omah tak buka...blakkkk! Kuaget setengah mati. Jebule mung ketok tutupe ae. Abang nggilap soko seng. Atiku wedi pollll. Tak jupuk siji. Mripatku merem. Pas tak buka. Jebule isine...

VODKA Karo Kacang dua Kelinci.

Aku matur neng njerone ati: Yesus, Matur nuwun. Koe ngerti opo sing tak karepke.

Dikarang oleh ...

Al  Indratno.